Os Dereitos Humanos, nos "Camiños de Redondela"

"PANFLETOS" DOS DEREITOS HUMANOS

O día 10 de decembro, co gallo do aniversario da Declaración Universal dos Dereitos Humanos (ONU, 1948) fixemos esta actividade en 2º ESO:

Estudamos os dereitos que cada persoa ten soamente por ser persoa.
Buscamos exemplos deses dereitos...
... pero tamén exemplos de como se violan en todos os países.
Preparamos os panfletos resumindo o que aprendimos...
... e saímos a rúa para entregarllos a toda a xente da vila.

Traballamos en colaboración co Proxecto de Biblioteca sobre os Camiños de Redondela e coa Rede de Escolas de Amnistía Internacional. Neste post resumímovos como fixemos esta tarefa, na que o pasamos xenial.

1. Estudamos os Dereitos Humanos
Para isto utilizamos o libro, ademais (por suposto) do texto da Declaración

Un dos nosos principais recursos en internet é a páxina da Rede de Escolas de Amnistía Internacional, da que hai un grupo en bacharelato neste centro. Podes vela picando na imaxe:

2. Preparamos os panfletos 
Despois de buscar os exemplos tratamos de poñer en frases sinxelas e que todo o mundo poida entender...

... algún artigo da Declaración
... algún exemplo de violación dos dereitos
... algunha ONG que vixíe e traballe para que se cumpran

A continuación escribimos esas frases en papeis de cores e decorámolos ben.

3. Saímos á rúa
Xa temos todo preparado! Agora collemos o noso "material subversivo" e saímos polos Camiños de Redondela, como di o Proxecto de Biblioteca deste ano. Pensar que nalgúns países poderían deternos e incluso matarnos por facermos isto!
Primeiro fumos ao Concello, ao Mercado e ás tendas de arredor da alameda: 

Despois, á zona da Mariña e ao Centro de Saúde. Pedimos permiso para non molestar ás persoas que estan enfermas ou acoden a unha cita médica:

-Por que me foxe toda a xente?
-Porque te achegas gritando e o último que pensan é que lles vas dar un panfleto pacifista.
-Ah!

... pero, en xeral, todo o mundo nos recibe moi ben e dános as grazas por divulgarmos esta información que, moitas veces, non coñecemos tan ben como deberiamos.

4. Bótalles unha ollada!
Esta é a nosa colección de panfletos. Bótalles unha ollada!: 

Cidades iluminadas contra a pena de morte - 30 de novembro de 2012

Fagamos da pena de morte unha pena en extinción

No grupo da Rede de Escolas de Amnistía Internacional do noso instituto celebramos o día internacional das cidades iluminadas encartelando un debuxo dun viaduto para estar á altura da nosa vila, que puxo tres carteis ben grandes na fachada do concello.

Neste caderno deixámosvos un resumo das ideas e os actos que nos moveron neste día:

Elizabethan England

In 1st of Bacharelato we are going to finish the first term studying the Elizabethan golden age: History, Literature and Philosophy.

For a start, let us read some information about TOLERATION in literature: The Merchant of Venice, by William Shakespeare, and New Atlantis, by Sir Francis Bacon:

O LABIRINTO DO FAUNO

 

A actividade de 2º da ESO na 3ª avaliación de 2011-12 foi un Comentario de Texto, que fixemos dun xeito moi especial. O texto foi unha película, O labirinto do Fauno (Guillermo del Toro, 2006) e o comentario consistiu en buscar información e charlar sobre os seguintes aspectos: O contexto histórico (República, guerra civil española, franquismo), ideas da película e a súa representación mediante símbolos, discusión e opinión persoal. Finalmente, expresamos todo isto mediante os seguintes murais:

1. O conto da rosa 2. O libro das encrucilladas 3. A árbore e o sapo 4. O home pálido 5. Sangue inocente 6. Submundo, aparencia, ideais 7. A lexitimación do poder 7. A exposición

1. O conto da rosa

No conto da rosa pasamos por primeira vez desde o mundo aparente ao submundo, guiadas/os pola barbantesa, que máis tarde convertirase en fada. As cores cálidas son as das emocións, pero van unidas aos ideais, como a flor. O submundo está debaixo das sabas e no ventre de Carmen, onde crece o irmán, pero é o que nos leva ao cumio do monte, onde está a flor, e á fiestra no alto do cuarto, a onde regresamos coa barbantesa.

2. O libro das encrucilladas

O libro das encrucilladas é un elemento estrutural moi importante porque permite o paso entre o mundo aparente e o submundo máxico e porque amosa o plan do relato, as tres probas que Ofelia deberá completar. Está suspendido no aire para representar a súa relación coas ideas e a maxia.

3. A árbore e o sapo

O sapo é un ser egoísta e insaciable que devora o que producen os outros habitantes do bosque. Comparámolo co Capitán, o cura e a boa sociedade, que comen o que rouban aos cazadores e ás/os campesiñas/os.

4. O home pálido

Na segunda proba Ofelia ten que aprender a dominar os seus desexos. Entra na cámara do Home Pálido, no submundo, usando varios obxectos máxicos (os xices, a cadeira e o reloxo) e guiada por seres das alturas, as fadas, que representamos flotando, colgadas do teito.

5. Sangue inocente

Na última proba todo se vira do revés: volven (en espello) as imaxes de Ofelia ferida do principio, o capitán morre e os maquis borran o seu recordo (ao revés que na memoria histórica) e, para non derramar sangue inocente, a nena derrama o seu propio sangue inocente. Cantas persoas terían que loitar contra este enredo irresoluble durante o franquismo? Como poderíamos desandar o tempo, quizais paralo... ou quizais incluso recuperar as décadas de dor inútil?
Ofelia é finalmente elevada do submundo ás alturas representadas polos tronos. O Fauno aparece unido ao seu verdadeiro pai e no mundo aparente quedan pequenas pegadas que temos que identificar e seguir se non queremos repetir os erros de épocas pasadas.

6. Submundo, aparencia, ideais

Neste mural explicamos a división do espazo na película: o que vemos no chan ou a media altura é unha mera aparencia, que depende dunha realidade máis profunda, o submundo, que está sempre abaixo. Os seres que guían o paso entre un mundo e outro, e todo o que se refire aos ideais, represéntase nalgún lugar elevado e nós marcámolo dándolle relevo ou colgándoo do teito.
Para facer todo esta actividade utilizamos tamén como fontes o traballo de Lorena Fernández e Noelia Míguez, alumnas de 2º Bacharelato no ano 2010-11, que se publicou na revista Viaduto dese curso.

7. A lexitimación do poder

Desde o punto de vista dos contidos, o sentido deste traballo é analizar a lexitimidade do goberno franquista. Para isto lembramos as cronoloxías:

1931: Proclamación da República
1936: Sublevación franquista e Guerra civil
1939: Fin da Guerra Civil
1944: Ano en que está ambientada a película (Resistencia: Maquis)

Tamén preguntámonos que é o que fai que un goberno sexa lexítimo:

Elección democrática por sufraxio universal
Respecto aos dereitos humanos
Separación de poderes

Vemos como estas condicións, que non se daban na película, tampouco se daban no franquismo. O franquismo foi un réxime de goberno que sustituíu, DE XEITO ILEXÍTIMO, á República lexitimamente constituída.

8. A exposición

Así de orgullosas/os quedamos ao rematarmo-lo traballo!

Vén vernos ao corredor do 2º andar!