28 dic 2017

Bilingual Philosophy 4th ESO - Describing myself comics

These are the comics we made for the first term project, My identity: Introducing myself. The items required were:
Greeting and a badge (some piece of information that I think that is important about me).
Physical description.
Character description.
Something I like.
We used an internet website, Lingolex, to learn some vocabulary for both our physical and character descriptions. We used another online application, Pixton, to make our comics.


6 nov 2017

Epistemology - LDHSS


Greetings from Pedro Floriani Secondary School, in Redondela (Galicia).
In this post you will find the materials you need for the classes on November 6th and 7th. We hope you enjoy them and learn a lot!!!

This is a video about the discovery of Neptune:



Use this exercise for a deeper understanding of Galileo's method:

 
 

We will be following this presentation in the classes:




27 sept 2017

Benvida 17-18. Códigos Edmodo

Un saúdo ao comezo do curso 2017-18!

Estes son os espazos web do Departamento de Filosofía do Floriani. Pica nas ligazóns para acceder:

Na WIKI podes descargar os materiais que necesitas para o curso.

En EDMODO pódeste rexistrar no teu curso con estas claves:


Psicoloxía 17-18 qbx8a3
Filosofía 2 17-18 mfqyww
Filosofía 1 17-18 sit7ep


If you are in the Philosophy bilingual class, you'll receive some handouts along the course but you don't have to download them from the wiki.
By now, just join the Edmodo course Philosophy 17-18 using the password aac2fb. We'll have a great time!

15 jun 2017

Boletíns de Tecnoloxía e Dereitos Humanos

A 3ª avaliación de Valores éticos trata sobre Tecnoloxía e Dereitos Humanos. En Valores éticos de 3º A, 4º A e 4º B, despois de considerar as vantaxes da tecnoloxía na difusión e defensa dos DDHH, fixemos boletíns informativos sobre varios problemas que o seu mal uso está causando. Colaborou o Grupo do noso centro da Rede de Escolas de Amnistía Internacional.
Non só queriamos profundar nas vantaxes e inconvenientes da tecnoloxía, tamén queriamos descubrir xeitos de traballar online en grupo e aprender a utilizar algún aplicativo axeitado para maquetar os boletíns, como Publisher.
Comezamos charlando sobre a tecnoloxía, cómo mellora as nosas vidas con novos aparellos, medios de transporte, cultivos, enerxías, redes sociais... Pero todo ten un lado escuro: o uso bélico, a contaminación, os cultivos agresivos co medio ambiente, a censura nas redes...
A continuación dividimos a clase en grupos e cada un decide o tema que vai investigar. Cada un ten que redactar un texto breve e moi claro e buscar imaxes que o ilustren. Aproveitamos a estrutura doutros boletíns feitos pola biblioteca ou o departamento de filosofía, en 6 columnas: portada e contraportada, unha introdución que se ve ao abrir a portada e tres columnas de información. A portada e contraportada son o lugar indicado para os logotipos, links e datos de contacto.


O boletín de 3º A

Os temas elixidos en 3º A foron:

Ataques con drons (B3H1ND),
Contaminación do delta do rio Níxer (Shell),
Glifosato e cultivos transxénicos (Monsanto),
Polución e
Centrais nucleares (Fukushima e Garoña).
  
O boletín de 4º A

En 4º A tratamos os seguintes temas:

120 xornalistas encarceradas/os (Control das redes sociais en Turquía),
Criminalización de Máxima Acuña (Intereses das empresas mineiras e de alimentación en Perú)e
Aceite de Palma (Man de obra escrava e deterioro do medio ambiente en Indonesia).
  
O boletín de 4º B

E os temas de 4º B foron:

As enerxías renovables (freadas en España por intereses das grandes empresas),
O coltán (Man de obra escrava e Menores soldado no Congo).
Slide to unlock (Uso do teléfono móbil para denunciar a prisión de Guantánamo) e
B3H1ND (O xogo de Drons e Hackers para teléfonos móbiles).

Zona de descarga
Podes descargar os tres boletíns en formato *.pub picando aquí:




13 may 2017

CHARLAS "O corpo humano" 5 - O corpo cibernético

5ª Sesión: O home bicentenario
- Pensei que dicías só un bico rápido.
- Mentín!


Andrew quere casar con Portia. Pero hai un problema: Andrew non é humano. Entrou como robot na casa da familia de Portia hai 200 anos e sempre actuou dun xeito estraño para ser unha máquina: tiña conciencia de si, desexo de superación, inquedanzas intelectuais… Co paso do tempo foi substituíndo todas as partes do seu corpo por novos materiais, cada vez máis similares aos tecidos humanos... A súa aparencia é exactamente como a nosa.
Portia e el levan xa moito tempo pedíndolle ao Congreso Mundial que recoñeza a Andrew como un ser humano para poderen casar legalmente, pero ao Congreso preséntaselle unha dúbida: que é o que define a un ser humano como algo esencialmente distinto dunha máquina? Esta é a pregunta a través da que nos guían hoxe, na charla de despedida por este ano, Pablo, Alberto, Pedro e David.


Pablo introduce o tema e presenta os personaxes. Andrew, interpretado por Robin Williams, é un robot de corpo metálico ao principio. Coñece á Pequena Miss, a quen se ve unido por unha especial relación. Ela é a avoa de Portia, a quen coñecemos cara ao final da película, e ten un enorme parecido con ela (de feito é a mesma actriz, Embeth Davidtz, quen interpreta a ambas) xa que entre os humanos moitos carácteres, como explica a xenética, frecuentemente saltan unha xeración.
Cando Andrew consegue adquirir unha prótese de cara hai unha interesante discusión na película: Unha cara humana debe ser imperfecta. Se é excesivamente simétrica, se non ten irregularidades... parece robótica!

Alberto cóntanos a evolución de Andrew: cómo xorden nel os sentimentos e as emocións, como a que sente pola Pequena Miss. Cómo se pon un nome e cómo adquire hábitos humanos.
Aquí Andrew é aínda un androide metálico que realiza labores rutinarias, frecuentemente de forza física, para a familia. Pero xa empeza a chamar a atención por algunhas actitudes que non se atopan habitualmente nunha máquina: creatividade, humor...
David encárgase de formular o problema: cando será Andrew unha persoa? Como calquera ser humano, Andrew ten que aprender, pero isto pode facelo unha computadora.
A diferenza é que ten que aprender dos seus propios erros e aceptar o sentimento negativo que vén con eles. Ten que loitar polos seus dereitos, e cando os seus dereitos son os dereitos humanos empezamos a ver como Andrew se vai humanizando ante os nosos ollos.
Cando pide ao Congreso Mundial que o recoñeza como humano chega o momento definitivo. Pedro revélanos a condición que pon, na segunda apelación: o robot terá que aceptar o feito do avellentamento, o decaemento físico e, finalmente, a morte:
iso é, como diría Heidegger, o que finalmente nos fai seres humanos. Aquí nos deixa o grupo de hoxe: temos que ver a película para saber o que pasará ao final.
Imaxes

E isto é todo por este ano. Agradecemos, coma sempre, o apoio da xente de 2º Bach., do profesorado (especialmente a Suso, que nunca falla) e da biblioteca.
Para ampliar ou descargar as fotos, pica nelas e abriranse no visor.




Materiais para descargar

Como esta é a última charla do ano temos os materias de hoxe (cartaz e presentación) e tamén un ficheiro comprimido con todos os materiais de ano (as 7 presentacións e os 5 cartaces):


              



6 may 2017

CHARLAS "O corpo humano" 4 - Nenos e porcos

4ª Sesión: Señor das moscas
Ninguén pode axudarte. Só eu. E eu son a besta.

Un grupo de nenos quedan abandonados nunha illa ao naufragar un barco (na película é un accidente de avión). William Golding, o autor de Señor das moscas, utiliza esta situación para facernos pensar na nosa natureza humana e no xeito en que a xente adulta organizamos a nosa sociedade. O momento clave da obra é cando un dos rapaces está mirando a cabeza dun xabaril que outros acaban de matar salvaxemente e sente a presenza dun espírito que se comunica con el a través do corpo morto do animal, cheo de moscas.
Gabriel, Pablo, Antonio e David analizan as relacións entre os nenos fixándose no tipo de liderado que exercen catro dos protagonistas.


Gabriel presenta a Jack. É o líder militar, dirixe a un grupo grande de rapaces que pertencen a un coro e ten un carácter agresivo, violento e autoritario, que se resalta na escena na que mata salvaxemente a Simon. O seu símbolo son as pinturas e as lanzas.
Pablo describe a Ralf. É o líder carismático: sensato, amable e que transmite seguridade e confianza. Todos lle fan caso en canto empeza a falar. O seu símbolo é a caracola, que permite ao seu posuidor expresar o seu pensamento ao grupo. É quen establece as normas e gústalle ter todo baixo control.
Simon é o líder espiritual, como nos conta Antonio, e mantén unha actitude distante cos dous líderes. O seu símbolo é a cabeza do xabaril. É o único que percibe a angustia do grupo e sente anticipadamente a verdade, pero lamentablemente non pode comunicala porque é asesinado polos seus propios compañeiros.
Piggy, cóntanos David, é o líder científico. Fai as preguntas e atopa as respostas necesarias para sobrevivir na illa e facer unha fogueira para que os rescaten, pero é gordo, miope e asmático polo que os outros desprézano ata tal punto que nin sequera chegamos a saber o seu nome. As gafas, o seu símbolo, que serviran para acender o lume, acaban rotas: unha alegoría do paso da civilización á barbarie.
Para acabar, vemos a relación que se establece entre os catro líderes. Toda a novela é un enfrontamento entre a política e o exército (Ralf e Jack), que queren dirixir o grupo, e o exército acaba matando a espiritualidade (Simon). A relación entre a política e a ciencia (Ralf e Piggy) é moi significativa: a política non sabe facer nada por si mesma, e a ciencia non pode. Ao final todo o mérito é para a política mentres a ciencia é ignorada, acosada, desprezada e, finalmente, aniquilada.

Imaxes

Pica nas imaxes para amplialas ou descargalas.




Materiais para descargar

Podes baixar tamén o cartaz e a presentación desta charla: